I
CAMINANDO POR LA VERA

En un lugar de la Vera,
cuyo nombre no interesa,
donde el tabaco hace fiesta
y el rojo pimenton de la vega
la matanza condimenta;
camina un caballero andante,
andante que mucho anda
pues ni tiene Rocinante
ni asno que lleve su carga.
Encayecida su mano
de tanto la lanza empuñar
que más que lanza es cayada
para aliviarle el andar.
Le acompaña Cacho Panza,
que en noche de primavera
llegó al reino en patera.
Van deseando encontrar
sombría con agua fresca
para así poder calmar
la sed en horas de siesta.
Junto a un derruido lagar,
donde hay un manantial
pararonse a descansar
a la sombra de un nogal.

"Dehcansemoh aquina mi amigu,
qu'ehte sol dehjidrata
y no ehsihte peol enemigu
qu'aquel qu'en silenciu mata.
Máh bien noh jará dehcansal,
qu'aún eh largu el caminu
y penosu eh el andal
sin caballu ni pollinu."
" No eh que yo duë Don Coyote
de tu ahtusia y tu dihtresa,
máh, ¿mantendremoh a floti
ehta difisil impresa?
"¡Ay! mi queriu Cacho,
fiati de mi persona.
T'a yuë al pasal el Extrechu
y candu juru no eh broma.
Máh bien sabeh que jurau
a mi amá Ehtremaura
que mi viä yo darí
por defendel su jermosura".
"No Don Coyote, yo no duö,
mah si perdemoh la coldura
siremoh corasón ruö.
Que máh vali dolol de muelah
que boca sin dienteh,
cómu mah vali suela en calsau
que piei dehnuö y desangrau."
"Poh sí, razón no te falta,
máh te digu Cancho Panza,
qu'eh en piei si je de moril
y empuñadu ehta lanza
qu'anteh de roïllah vivil.
Defendiendu l'alabanza
a mi jería Extremaüra
poh quien no cumpli lo que jura
al fuegu nucleal
jabría de sel condenau
y que sean suh díah eternoh
y eternamenti sel quemau.
Tu no t'acagaceh mi amigu
que yo vencerí al giganti".
"¡ No, si yo sigu andelanti!
Máh jah d'atacal tú primeru
qu'ereh caballeru andanti,
poh son muchoh loh guardianeh
al servisiu de la behtia
y son muchoh loh rufianeh
que cuíän de la su exihtensía."
"Por lah pedrah del tu Sajara
veráh cómu jaré callal
con la punta déhta lanza
a esa behtia mordaz
que se ehconde en Alamaraz."

Después de descansar
reanudaron su caminar
para poder enfrentarse
al gigante nuclear.

II
POR LA VEGA DEL TIETAR

Al río Tietar llegaron
y con ellos el anochecer.
A sus orillas acamparon
esperando el amanecer.
Encendieron una hoguera
para iluminar la oscuridad
y con la luz de la candela
se rompió la soledad.

"A tí que sienteh conmigu
el silenciu d'ehte lugal,
quieru qu'ehcucheh conmigu
lo que ti voy a jural:
Te juru por ehte ríu
que da de bebel a ehta tierra,
que no pasará ehte ehtiu
sin que m'enfrenti a la fiera;
con tó mi poëríu
y si consigu vencel'la
te subirí a la gloría
y seráh mu güen conociu
por to loh puebloh d'España
com'ún polisariu veniú
pa cural'le a Ehtremaura
con mucho valol y maña
esa jorribli calentura
que la'htá jaciendu caval
esi mohtru nucleal
la su propia sepultura.
Y comu reconocimentu
a tu entrega y tu valol
te darán el documentu
que calmi tu dolol
y asina poër quearti
y asina poër trabajal
y naide te jará regresal".
"Muchah grasiah Don Coyote,
por jacermi eshti favol.
Tu sabeh que soy machoti,
máh yo nu tengu tu valía
poh si me pillan m'aplican
la famosa ley d'ehtrajería
que sacarún loh populareh;
esa que noh convirtía
en presah de casería".
"Bien que lu sé Cancho Panza
por tantu soy caballerú,
que peltenehcu a una raza
valenti com'ún mineru
y a loh maleh m'enfrentu
comu jumanihta y guerrilleru,
teniendu a demáh de premiu
el amol y la ternura
de mi amá Ehtremaura.
Por tantu eh que te digu
que si je de dejal la piel
pa conseguil la juhticia,
comu la deja l'abeja
pa conseguil la miel,
lo jaré con tó el valol
que carahteriza mi sel
y aguantar'el dolol
qu'acompañe mi pasión.
No jabrá cobaldía
manque me cuenti la viä.
¡ Vencel o moril,
triunfal o sufril !
Ehti eh el lema
del andeti caballerú
y anti cualquiel poblema
ehti lema eh lo primeru."
"T'ahmiru Don Coyote
tu gran valol de guirreru
y mi da enil cogoti
que mañan'un día sirá
pa tu asaña triunfal
y seguru que no jabrá
ningún supuehtu animal
qu'anti tantu valol
a tí se pueä enfrintal."
"Pó asina será,
tal y comu dichu ehtá.
Durmamonoh ya
que mañana al alba
un sol nuevu brillará."

Apagaron el fuego
y a dormir se tendieron.

III
A LAS PUERTAS DE LA CENTRAL
NUCLEAR DE ALMARAZ

El sol en el cielo
su fuego escupía
cuando el joven guerrero
con su amigo magrebí
ante la Central se había
y al guradía de la puerta
a gritos le decía:

"¡ En nombri de mi amá,
mi señora Ehtremaura,
abre la puerta paletu
y ponersoh a mi altura,
qu'a muerte ajora te retu
y armaö con lanza vegu,
sin ehcuö ni armaüra,
que muchah ganah oh tengu.
Máh luegu al terminal
jaré que calle a la fiera,
esa fiera nucleal
qu'envenena nuehtra tierra!"

Lanzose Don Coyote a la puerta
con la lanza amenzando
y el guarda de aquel lugar
la alarma ya estaba dado.
Pronto aperecieron
guardias por todos lados.
Cacho y Don retrocedieron
sorprendidos y asustados,
al ver tantos verdes armados
que son de la fiera sirvientes
armados hasta los dientes.
Don Coyote echo a correr
y Cacho corre tras él.
Cuando lejos se encontraban
de la jaula nuclear
Cacho Panza jadeante
se atrevió a preguntar
el porqué se retiró,
porqué no llevó a delante
todo lo que juró.
Don Coyote del cansancio
mal podía articular.
Ya algo más tranquilo
a Cacho pasa a explicar:

"Jas de sabel mi amigu
que no eh por mieu ehte jacel,
mah escucha cual cosa te digu:
Candu la batalla jah de perdel,
solamenti loh que se retiren
podran luchal otra véh.
Poh máh valen dié jombre vivoh
que veinti de muerte jeriöh".
"Que no jayamoh asirtau
mucha pina que mi dá,
máh si mi jubieran pillau
con toa seguridá
p'Africa mi jabría mandau.
Demohli grasiah a Dioh
el qui no noh jayan dau
poh ganah tinían tóh
di jabernoh grandi surrau".
"Panza no s'as tan ciegu
y da graciah al azal
que no jay mah Dioh en el cielu
qu'elque noh jaci suäl
y no jay mah poël en el suelu
qu'elque noh jaci callal".

Por una oculta vereda,
al pie de la ribera
ya llegaron a la Vera
y Cacho comentaba
mientras que por un atajo
el camino acortaban
y a salvo les mantenían
de los guardías,
que seguramente
buscandoles andarían:

"Máh aún tengu ehpirasa
qu'esi Sapatero sosialihta
me pueä arriglal el casu".
"Esu mehmu deseu yo
mah no te confunda amigu,
entri zapatero y zapatihta
qu'eh mucha la difenrencia
manque se parezca la cencia".
"Poh qui sea lo que Dioh quiera".
"¡ Ya ehtamoh otra veh...
machu, con tigu no jay quien pueä!".