El griyu maehtru

Una fábula de Augusto Monterroso.

Jaci ya una tupitanga d’añuh, un día de luh de máh calorih del’invienno, el Direhtol de l’ehcuela entró de improvisu en’el aula en la que el Griyu daba a luh Griyinuh lah suh licionih sobri el'arti de cantal, pricisamenti en el ihtanti de la plática en qui leh'ehplicaba que la voj del Griyu era la mejol y la máh guapina entri toitah lah vocih, poh se proucía medianti el adecuau furrulamientu de lah’alah contri luh cohtauh, en tantu que luh pájarinuh canturreaban tan malamenti porqui s’empeñaban en jacerlu con el gañati, que comu to er mundu sabi eh el’órganu del cuelpu humanu menuh indicau pa emitil soníuh durcih y armoniosuh.

Al ehcuchá aqueyu, El Direhtol, que era un griyu mu viejinu y mu sabiu, dio la conformiá con la cabeza y se retiró, mu contentinu de que en l’ehcuela to siguiera comu en luh suh tiempuh.

 

Adatación al valxeritense: Pablo Muñoz

 

Güervi a la hojina principal