Esteban Riolobos Moreno nació en 1924 en El Torno. Pertenece a la Quinta del 45 y cumplió el servicio militar en 1948. Cuando llega al pueblo, dedica su tiempo a preparar un cercao en la sierra, para poder sembrar patatas. Como el cercao no tiene casa para cobijarse y guardar las herramientas y patatas, se decide a construir una choza de piedra, ayudado de su cuñado Vitorio Nieto. Tío Chuchi confiesa que no ha visto construir una choza en toda su vida, aunque desde pequeñito le tiró la piedra. Ejercitó el oficio levantando paredes en los cercaos y casas en los huertos. Con estos oficios y el consejo de algunos viejos lugareños emprendieron la construcción de una choza en la finca del Murillo.
Mantuvimos una conversación con tío Chuchi en las Navidades del 2004-2005 y en ella nos recordó aquellos momentos en los que construyó la choza de piedra:
Yo ehtu de la piedra me s'ha dau siempri mu bien. Lo mehmu en paréh que, amuh que... Yo la piedra la manejau siempri mu bien, y endi chicu m'ha yamau la piedra, y con la piedra... Aluegu ya he pasau hacé, por'ejemplu un terrazu o argún ladriyu, o sea...
Buenu, poh la choza, ya igu, en un'añu, aproximamenti la ici, porqui no había amparu de ninguna casa. Ayí si yovía...,a l'intemperie, si calentaba el sol, no había quien te socorriera. Asín qu'iji, poh había que hacè un'argu y comu había tanta piedra ayí, poh moh liamuh, Eusebiu, buenu vusotruh vo véih conocíu a aquel hombri. Unu que li yamaban tí'Usebiu el marica, yo no sé si l'habéih oíu mentá, esi era mozu vieju, esi andaba payí de cabreru con tíu José el botón, que vivi entoavía. Ya igu, era sobrinu tíu José el botón d'él, y aquè hombri era comu d'ehtuh..., comu inurantiyu, le tenía tíu José... Y aquél'hombri iba con lah cabriyah payí, y aluegu lah piedrah gordah, si (lah)había, pueh'echábamuh manu d'él a subil·lah, (y) con punè unuh paluh pa irlah subiendu y ya ehtá...Y esa jué la misión mía, compari, que a musotruh moh metía muchu miéu, porque te vu'a ehplicá: Vitoriu vivía ahí, en'esa casa ondi vivi mi hermana Angelita, ahí vivía antoncih, y tíu Niculáh el moreniyu tamién era aficionau a ehtu e la piedra y, claru, yo...amuh, era por'antoncih jovin, pueh dicía, (pueh comu le cuntábamuh la vida de qu'éhtábamuh'aciendu la choza), dici:
- Poh tenel muchu cuidiau que...,que la choza según se lah'ehtá'ciendu, que recahcaban.
(Musotruh) ehtábamuh'aciendu cahcaju ayí embaju, igu: ¡avé si moh va a cogé aquí debaju! Peo la choza en'aqueya épuca la hici y la choza ahí ehtá entoavía...
Hombri, (la choza tieni) un poquín e cimientu, porqui ya igu, ondi ehtá echa, pueh'amuh ayí no se labra. Así que'aqueyu lo hici yo. Ayí por'ejemplu s'haci (la choza) a una altura así (señala una altura de 1'50 metros), aluegu vah'aciendu d'ehta manera, vah'aciendu alrededò, lah vah puniendu (lah piedrah), amuh, poh que vayan subiendu y cerrandu...exahtamenti.
- Peru ¿se poni por dentru andamiu o por dentru no se poni náa?
- Naaaá, naa, no vej que yo con namáh que haga éhtu subu a la cogoya (se pone en pie y alza la mano).
- ¿Eh grandi?
- Ouuuhhh!, la choza quiciá eh tan grandi comu ehta cocina.
Pablo Muñoz. Enero 2005
